Da Original Buko Pie

Kung kayo po ay mapapadpad sa Laguna o kaya sa Tagaytay, mapapansin ninyo ang hele-helerang mga tindahan ng buko pie. Kung minsan, may aakyat sa bus ninyo o mag-aalok sa inyo na bumili ng kanilang buko pie. 

Masarap nga naman ng buko pie e. Mas gusto ko yung medyo malabot pa at hindi tinitipid yung buko. Gusto ko rin yung hindi masyadong matamis at hindi nakakasawang kainin. Para sa akin nga e, masarap yung Mazapan Sweets (sana may makabasa nito).

Pero kung mapapansin ninyo sa mga hele-helerang mga buko pie stores, isa lang ang common sa kanila. At ito rin ang gusto kong itanong.

Bakit ang daming The Original Buko Pie? Kasi kung puro lahat sila e The Original, nasaan ang pinaka-original? Imposible naman na lahat sila e original. Dapat may nag-iisang tindahan na may tunay at orihinal na recipe ng buko pie.

Matatawa na lang kayo kung iisipin ninyo. Pero para sa mga tindera ng mga buko pie, sana naman wag ninyong lituhin ang mga mamimili ninyo sa kung sino sa inyo ang may orihinal na buko pie. :)