The Kiss my Ass Club

Power.

Ang laki talaga ng nagagawa nito sa tao. Dalawang bagay lang ang alam kong puwedeng gawin ng isang tao kapag may kapangyarihan: either gamitin niya ito para sa kabutihan at ikabubuti ng paligid niya. O, puwede ring gamitin para baliktarin ang isang tao at mapasama pa sa kanya ang isang bagay.

Ang kapangyarihan nga naman. Kung meron ka nito e parang hawak mo na ang buong mundo o kaya ang bawat leeg ng bawat tao sa ilalim niya. Kaya niyang gawin ang kahit anong bagay.

Natural na ito kung tutuusin, at nasa tao rin naman kung paano niya gagamitin yun. Pero ang hindi ko maintindihan at gustong isigaw ang mga katagang BAKIT GANON ay kung bakit may mga tao na gustong dumikit sa taong may kapangyarihan. Yun bang, kahit anong gawin ng kanyang boss e gagawin niya. O kaya gagawin ng taong yun ang lahat para maging mabango sa kanyang boss.

Nakakainis mang isipin, pero hindi ko pa rin ito maintindihan. Ang nagiging labas nila e yung parang nasa picture: napapasama sila sa Kiss My Ass Club ni Mcmahon. Nakakainis kasi dahil sa mga "cronies" na ito (from here, I'll call them cronies) e sila yung mga nagsi-siga-sigaan sa kung saan man. Tapos kung may nangyaring masama e parang silang mga batang tumatakbo pauwi sa kanilang mga nanay o tatay.


Hay... tao nga naman. Kung nakikita lang nila ang kanilang mga sarili sa labas.